Фредди Гондола: Келесі матчты жеңіспен аяқтауға тиіспіз

Панамалық шабуылшы Орталық стадиондағы дебютінен кейін сұхбат берді.

– Иә бұл менің өз алаңымыздағы алғашқы ойным. Және мені бүкіл команда – ойыншылар, бапкерлер, сондай-ақ трибунадағы фанаттар да қолдады. Мен өз-өзімді жақсы сезіндім және әрі қарай да осылай жалғастырғым келеді

Иә ойын өте қиынға соқты. Шынын айтқанда біз ойынды алғашқы таймда-ақ аяқтап тастар едік, тіпті бірінші таймның әуелгі жартысында. Бірақ олай жасай алмадық. Дегенмен бұл футбол. Енді біз маусымның жалғасы жайлы ойлаймыз, келесі матчты сырт алаңда жеңіспен аяқтауға тиіспіз

QFL — өте бәсекелі чемпионат. Командамызда және қарсылас ұжымдарда жоғары деңгейлі ойыншылар жеткілікті. Елдің өзі де маған ұнайды. Әріптестерім маған жақсы бабыма еніп, бейімделу жағынан өте көп көмектеседі. Сондықтан да мен өзімді үйдегідей сезініп жүрмін.