Сәттілік, Иска!

Қазақстандық қорғаушы Ескендір Қыбырай келісім-шарт мерзімінің аяқталуына байланысты \"Ақтөбемен\" қош айтысты.

26 жастағы ойыншы 2022 жылғы маусым басында ақ-қызылдар сапын толықтырып, барлық турнирлер аясында 30-дан астам ойынға қатысып, 3 гол соқты және 1 нәтижелі пас берді. Сондай-ақ ол \"Ақтөбемен\" бірге күміс және қола медаль иеленді.

\"Ақтөбе\" футбол клубы Ескендірге өзара ынтымақтастық үшін алғыс білдіре отырып, алдағы мансаптық жолына мол табыс тілейді.